Техасдаги Абилин шаҳридаги ҳайвонот боғида 2016 йилдан бери Луна ва Эстрелла лақабли опа-сингил қоплонлар яшамоқда. Улар бу ерга Далласдаги ҳайвонот боғидан бир ёшга тўлганида келтирилган, деб хабар берди National Geographic.
2017 йилнинг 15 май куни эрта тонгда Эстрелла ўзининг тўсиқлар билан ўралган майдонидан қочиб чиқишга муваффақ бўлган. Ҳайвонот боғи очилишига бир соат борлиги сабаб, одамлардан ҳеч кимга зарар етмаган. Қоплоннинг қочиши 10 дақиқа давом этди: мутахассислар тезда ҳайвонни транквилизатор ёрдамида ухлаштишга эришди ва у ўз жойига қайтарилди.
Бироқ шу қисқа вақт ичида йиртқич ўзининг ов кўникмаларини қўллашга эришган: у яқинида жойлашган коати туридаги Ба лақабли маймунга ҳужум қилган. Эстрелла унга жиддий жароҳат етказгани сабаб, ветеринарлар уни қутқариб қола олмади.
19 ёшли Ба Абилин ҳайвонот боғида анча йиллардан бери яшар эди: у ёшлигида контрабандачилардан мусодара қилинган.
Ҳайвонот боғи маъмурияти воқеа юзасидан тергов бошлаган: ёш қоплон қандай қилиб ўралган ҳудуддан қочиб чиққани ҳалигача номаълум.
Изоҳ (0)