Миср ҳукумати туғилиш суръатлари устидан назорат дастурини ўрганиб чиқмоқда. Бу ҳақда мамлакат президенти Абдулфаттоҳ ас-Сисий маҳаллий ОАВлар бош муҳаррирларига берган интервьюсида маълум қилди, дея хабар беради «РИА Новости».
«Ҳукумат аҳоли ўсишини назорат қилиш учун дастур, тадқиқот ва қонунларни ўрганишга киришди. Туғилаётган чақалоқлар сони йилига 2,5 миллионга етганидан сўнг бунга мажбур бўлдик. Аҳолининг бундай ўсиш суръатлари Хитойга нисбатан 3 баробар кўп», — дея таъкидлади давлат раҳбари.
Миср бош вазири Шариф Исмоил оилаларни икки фарзанд билан кифояланишга чақирди. Унинг билдиришича, мамлакат бугунги кунда дуч келаётган асосий муаммолардан бири ҳам қишлоқ хўжалиги майдонлари чеклангани ҳолда аҳоли сони ошиб бораётганидир.
Миср аҳоли масалалари миллий кенгаши эксперти Тариқ Товфиққа кўра, мамлакат аҳолиси сони 2030 йилга келиб 140 миллион кишига етиши мумкин.
Изоҳ (0)