Шимолий Корея матбуоти мамлакат аҳолисини баҳорги дала ишларини сифатли якунлаш йўлидаги жонбозликка чақирди. Бу ҳақда «ТАСС» хабар бермоқда.
Марказий «Нодон синмун» газетасининг билдиришича, «далаларда шоли экишни муваффақиятли якунланиши Қўшма Штатлар ва уларнинг вассалларини республикани санкциялар ва қамал ёрдамида бўғиш ҳаракатларини чиппакка чиқаришга қаратилган ҳаёт-мамот жанги»дир.
«Цивилизациялашган ва бахтли ҳаётни ўз-ўзини озиқ-овқат билан таъминлашга эришишсиз тасаввур этиш қийин. Мўл-кўл ҳосилни мамлакатимиз душманларига қудратли зарба беришга қодир ядро бомбасига таққослаш мумкин», — дея таъкидлади газета.
Ҳозирда КХДР ҳукумати эҳтимолий қурғоқчилик оқибатларини бартараф этиш чораларини кўрмоқда. Асосий эътибор мамлакатнинг апрелда ва май ойи бошларида минимал даражада ёғингарчилик қайд этилган ҳудудларига қаратилган.
Изоҳ (0)