Қўшма Штатлар Венесуэлага нисбатан БМТ Хавфсизлик кенгаши томонидан чоралар кўрилишига интилаётгани йўқ. Бу ҳақда АҚШнинг халқаро ташкилотдаги доимий вакили Никки Хейли кенгашнинг тартибсизликлар давом этаётган мамлакатдаги вазиятга бағишланган ёпиқ йиғилишидан сўнг маълум қилди, дея хабар беради «ТАСС».
«Биз Хавфсизлик кенгаши томонидан амалга ошириладиган ҳаракатларни кутаётганимиз йўқ. АҚШ Венесуэладаги вазиятга эътибор қаратиш ва Америка давлатлари ташкилотини мамлакатдаги инқирозни бартараф этиш бўйича янада қатъий уринишларга ундаш учун кенгаш йиғилишини чақирди. Венсуэладаги вазият ўзгаргани йўқ, аксинча, ёмонлашиб боряпти», — дея таъкидлади доимий вакил.
Никки Хейлига кўра, халқаро ҳамжамият Венесуэла президенти Николас Мадуро «ўз халқи ҳуқуқларини ҳурмат қилиши»га эришиши лозим. Акс ҳолда, мамлакатдаги вазият Сурия сценарийси бўйича давом этиши мумкин.
Изоҳ (0)