Мажбуриятларини бажаришга бир неча кун аввал киришган Франция президенти Эммануэль Макрон сайловолди ваъдаларини бузишга улгурди. Бу ҳақда Le Figaro нашри маълум қилди, дея хабар беради «РИА Новости».
17 май, чоршанба куни Францияда расман янги ҳукумат таркибини эълон қилинди. Унга 22 киши ( 11 эркак ва шунча аёл) кирган бўлиб, 18 нафари вазир, 4 нафари эса давлат котиби лавозимини эгаллади.
Макрон эса март ойида телевидениедаги чиқиши чоғида унинг маҳкамасида «нари борса 15 киши» бўлишини билдирганди.
Шунингдек, Макрон апрелда Twitter’даги саҳифаси орқали давлат раҳбари этиб сайланган тақдирда аёллар ҳуқуқи бўйича вазирлик тузиши ва бу масала «Беш йиллик миллий муаммо» даражасига кўтарилишини маълум қилганди.
Ҳозирда эса президент аёллар ва эркаклар тенг ҳуқуқлилиги бўйича котибият таъсис этиш билан чекланди.
Изоҳ (0)