«Muslimaat.uz» сайти шайх Оъиз ал-Қорнийнинг аёллар ҳақидаги энг чиройли ибораларини жамлади.
Шайх аёллар ҳақида, жумладан, шундай дейди:
«Аёл қаҳва кабидир, агар унга эътибор бермай, бепарво бўлсангиз, музлаб, совиб қолади, ҳаттоки сизга бўлган ҳис-туйғуларида ҳам.
Аёл агар яхши кўрган кимсаси олдида жим бўлиб қолса, унинг ичидаги айтолмай қолган барча сўзлари кўз ёши шаклида оқиб келади!
Аёл аввалига сизга яқинлашишдан қўрқади, аммо охирида эса сиз ундан узоқлашсангиз, йиғлай бошлайди. Уни жуда камчилик тушуна олади!
Аёл сиздан ортиқча нарса талаб қилмайди, у фақатгинасиздан ўз синглингиз учун сиз орзу қилган куёв каби бўлишингизни истайди, холос.
Агар ўзингиз билан эътибор, парвариш халтасини кўтариболмаган бўлсангиз, аёл кишининг қалб эшигини тақиллата кўрманг!
Аёл ё жуда катта макрдир ёки буюк муҳаббатдир! Хоҳлаганингизни танлаб олинг, эй эркаклар! Агар унга нисбатан макр ишлатсангиз, сизга ҳам макр билан жавоб беради. Агар уни яхши кўрсангиз, унинг чинакам соҳибига айланасиз!
Аёл ўзи бетоб ҳолида дардингизга дармон бўлади, ўзи ҳазин ҳолида сизга тасалли беради, чарчаган ҳолида кечалари ухламай чиқади, ўзи танимаган кимса учун ҳам хафа бўлади, тўйи куни ҳам йиғлайди…
Унга озгина юмшоқлик билан лутф қилинг!
Аёл ҳар қанча катта ёшда бўлмасин, у сиздан доимо фарзандингизга қилган муомалани кутади.
Аёл қанчалик баджаҳл бўлмасин, у ҳеч қачон меҳр-шафқатдан холи бўлмайди.
Аёл отасиз фарзанд ўстира олади, аммо эркак киши онасиз фарзанд ўстира олмайди.
Шунинг учун ҳам аёл муқаддасдир!»
Изоҳ (0)