Лионель Мессининг 25 ёшли эронлик қиёфадоши Ризо Парастеш Ҳамид шаҳрида жамоат тартибини бузганлиги учун ҳибсга олинди, деб ёзади «Terrikon.com».
«Барселона» ва Аргентина термаси футболчисига ҳайратланарли тарзда ўхшаш бўлган йигит чорраҳада тўхтаб, Мессининг футболкасида автомобилидан чиқди. У билан суратга тушиш учун юзлаб одамлар тўпланди. Тирбандликка барҳам бериш учун полициячилар Парастешни ҳибсга олишга мажбур бўлди. Унинг автомобили ҳам жарима майдонига олиб кетилди.
Парастеш бир неча ой аввал отасининг қистови билан маҳаллий спорт нашрларидан бирига ўз суратини юборгач, бутун Эронда машҳур бўлиб кетди. Шундан сўнг у фотомоделлик қила бошлади ва тез-тез интервьюлар берадиган бўлди.
Изоҳ (0)