Бирлашган Араб Амирлигидаги атом энергия корпорацияси (ENEC) мамлакатдаги биринчи атом реактори қуриб битказилгани ҳақида маълум қилди, деб хабар берди UAE Inside.
«Барака» АЭСи Рувайс шаҳридан 50 километр ғарбда, Абу-Дабидан 330 километр узоқликда жойлашган.
АЭСнинг биринчи энергоблоки 2018 йилда ишга туширилиши кутилмоқда.
Энергоблок аввалроқ фойдаланишга топширилиши режалаштирилган эди. ENEC муддатнинг чўзилиб кетганини «ядро саноатида хавфсизлик стандартларига риоя қилиниши ва халқаро баҳолаш тизимини, шунингдек, станция ходимларининг тезкорлик даражасини ошириш учун етарлича вақтнинг кераклилиги» зарурати билан изоҳлади.
2008 йил апрель ойида БАА ҳукумати мамлакатда ўсиб бораётган энергия эҳтиёжларини қондириш учун тинч ядровий энергиядан фойдаланишга қизиқиш билдирган эди. 2009 йилдаёқ Жанубий Кореянинг Korea Electric Power Corp компанияси бошчилигидаги консорциум билан 40 миллиард долларлик шартнома тузганди.
Лойиҳа ҳар бири 1400 мегаватт қувватга эга тўртта PWR APR-1400 реакторини қуришни ўз ичига олади.
Изоҳ (0)