Американинг икки нафар ҳарбийси Афғонистонда ИШИД террорчилик ташкилоти етакчиси Абдул Хасибни йўқ қилиш вақтида ҳалок бўлган бўлиши мумкин. Бу ҳақда AP Пентагондаги манбага асосланиб маълум қилди, деб хабар берди «ТАСС».
Агентлик АҚШ Мудофаа вазирлиги апрель охири — Хасиб йўқ қилинган вақтда икки нафар америкалик ҳарбий хизматчи ҳалок бўлгани ҳақида маълум қилганини эслатиб ўтди. Манбанинг таъкидлашича, улар иттифоқ кучлари томонидан отишма вақтида, уч соатлик операциянинг биринчи дақиқаларида ҳалок бўлган бўлиши мумкин.
Аввалроқ, Пентагон матбуот хизмати Хасибнинг йўқ қилингани ҳақидаги хабарни тасдиқлаган эди.
Абдул Хасиб ўтган йили экстремистларнинг собиқ бошлиғи Ҳафиз Саидхон Америкага тегишли учувчисиз учиш қурилмаси ёрдамида йўқ қилингач, ИШИДнинг Афғонистондаги бўлимига бошчилик қила бошлаган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)