Дунёдаги энг семиз аёл деб ҳисобланадиган мисрлик Имон Абдул Атий даволаниш учун Абу-Дабига келтирилди, деб ёзади UAE Inside.
Бунгача 36 ёшли мисрлик Ҳиндистоннинг Мумбай шаҳрида вазнни камайтириш бўйича операцияни бошидан ўтказган эди. У ерга сафар қилиш учун аёл сўнгги 25 йил ичида биринчи марта ўз уйидан ташқарига чиқди. Имонни қамалдан чиқариб олиш учун ҳамроҳлик қилувчи бригадага ҳатто автокран ҳам керак бўлди. Уни шу йилнинг февраль ойида махсус модификациядаги Airbus самолётида ташиб келтиришди.
Операциягача 500 килограмм тош босган аёл Абу-Дабидаги VPS Burjeel клиникасида реабилитация курсидан ўтади. Кўплаб тиббий процедуралардан сўнг Имоннинг вазни 175 килограммдан бироз ошади.
Аёлнинг сўзларига кўра, у Мумбайдан Абу-Дабига эсон-омон етиб келган ва ўзини бахтли ҳис қилмоқда. Абу-Даби шифокорлари ўз олдига мисрлик аёлнинг вазнини меъёрдаги кўрсаткичга етказиш ёки шунга яқинлаштиришни мақсад қилиб қўйди.
Изоҳ (0)