АҚШ расман узр сўраши ва КХДР етакчисига суиқасд уюштирмоқчи бўлган одамларни жазолаши керак. Бундай баёнотни Шимолий Кореянинг Корея марказий телеграф агетлиги тарқатди, деб ёзади «РИА Новости».
Пхеньян АҚШ ва Жанубий Кореяни республикани яккалаб қўйиш ва бўғишга уринишда айблади. Шу билан бирга, Вашингтонни баёнотда «КХДРга нисбатан мудҳиш давлат терактларининг саҳнаорти ташкилотчиси» деб атади ва унга нисбатан жазо муқаррар эканлигини таъкидлади.
Пхеньян қайд этишича, Давлат хавфсизлиги вазирлиги АҚШ ва Жанубий Корея разведка ташкилотларини «Ер юзидан супуриб ташлайди» ва мамлакатдаги барча душман агентларни йўқ қилади.
Аввалроқ КХДР давлат хавфсизлиги вазирлиги АҚШ ва Жанубий Кореянинг махфий қўшма операцияси барбод бўлганини эълон қилган эди. Идора маълумотларига кўра, ушбу давлатларнинг разведка ходимлари аллақандай биокимёвий модда ёрдамида Ким Чен Инга суиқасд уюштиришни режалаштирган ва КХДРга ўз одамларини киритган.
Оқ уй ва Марказий разведка бошқармаси бу баёнотни изоҳлашдан бош тортди.
Изоҳ (0)