Тошкентда 3-курс талабаси машинада қизни уриб кетди

4 май куни маҳаллий вақт билан соат 20:30 да Тошкентда ўлимга олиб келган ЙТҲ рўй берди. Бу ҳақда UzNews хабар бермоқда.

Олмазор кўчасида («Эзидёр» ресторани қаршисида) 3-босқич талабаси ишдан уйга қайтаётган 1987 йили туғилган қизни уриб кетди.

Қиз олинган жароҳатлар оқибатида воқеа жойида оламдан ўтди. Айни пайтда мазкур иш юзасидан тергов бошлаб юборилди.