Тошкент шаҳрида 16 апрель куни «Фарғона ИЭМ»да битта 17 мегаватт қувватга эга бўлган ва Фарғона шаҳар қозонхонаси (РК-3)да битта 7 мегаватт қувватга эга бўлган юқори самарали когенерацион газ қурилмаларини татбиқ этиш лойиҳаси бўйича қурилиш ишларини бошланиши муносабати билан тантанали маросим бўлиб ўтди, деб хабар берди «Ўзбекэнерго» матбуот хизмати.
Тадбирда Ўзбекистон ҳукумати аъзолари, «Ўзбекэнерго» раҳбарияти, Япониянинг NEDO ташкилоти, Kawasaki Heavy Industries ва Marubeni Utilite Services компаниялари ва оммавий ахборот воситалари вакиллари иштирок этдилар.
2016 йилда Япониянинг NEDO ташкилоти томонидан юқоридаги лойиҳани амалга оширилиши бўйича Ўзбекистон ва Япония ўртасидаги келишув меморандуми ҳамда Kawasaki Heavy Industries ва Marubeni Утилите Serviceс компаниялари билан «Ўзбекэнерго» ўртасида келишув битими имзоланган эди.
Ушбу лойиҳа Ўзбекистон Президентининг 21 февралдаги «‘Фарғона ИЭМ’ АЖ ва Фарғона шаҳар қозонхонаси (РК-3)да юқори самарали когенерацион газ турбина технологиясини татбиқ этиш’ лойиҳасини амалга ошириш чора-тадбирлари тўғрисида»ги қарори бўйича амалга оширилмоқда.
Ушбу лойиҳа амалга оширилгандан сўнг қуйидаги қўшимча натижаларга эришиш кўзда тутилган:
- 197,24 миллион кВт∙с электр энергияси ишлаб чиқарилади;
- 214,5 минг Гкал иссиқлик энергияси ишлаб чиқарилади.
Лойиҳа «Ўзбекэнерго»нинг ўз маблағлари ва Япониянинг янги энергетика ва саноат технологияларини ривожлантириш ташкилоти — NEDO’нинг грант маблағлари ҳисобига молиялаштирилади.
Изоҳ (0)