Мисрда сайёҳларнинг ҳоли-жонига қўймайдиган эсдалик совғалари сотувчилари жаримага тортилади. Мамлакат ҳукумати 3 май, чоршанба куни қонунчиликка тегишли ўзгартиришлар киритилишини маъқуллади. Бу ҳақда Youm7 портали хабар бермоқда.
Мамлакат қадимий обидалар ва тарихий мерос ишлари вазири Холид ал-Ананийга кўра, археологик қазишмалар ҳудудларида сайёҳларни таъқиб этганлик учун сотувчиларга 3 мингдан 10 минг фунтгача (165 доллардан то 550 долларгача) жарима қўлланиши мумкин.
Шунингдек, ноқонуний археологик қазишмалар, қадимий ёдгорликларни ўғирлаш ва сотиш билан шуғулланганлик учун ҳам кескин чоралар кўрилади. Ҳуқуқбузарлар бундай қилмишлари учун умрбод қамоқ жазосигача ҳукм қилиниши мумкин.
Изоҳ (0)