Колбаса — дастурхонимиздаги энг оммабоп маҳсулотлардан бири. Бу озиқ-овқатни кўпчилик бой мазаси ва оддий тайёрланиш усули учун яхши кўради. Аммо сўнгги вақтларда ОАВларда колбаса касалликлар манбаи эканлиги ҳақида хабарлар тобора кўпайиб бормоқда. Биз бу ҳақиқат ёки навбатдаги уйдирма эканлигини аниқлаштиришга қарор қилдик.
Колбасанинг фойдаси нимада?
Колбаса маҳсулоти фойдали бўлиши мумкинми? Ҳар қандай шифокор сизга шуни айтиши мумкинки, колбаса табиий гўштдан, ҳеч қандай қўшимчаларсиз (маза бериш учун зарур зираворлардан ташқари) тайёрланганидагина, колбаса фойдали бўла олади. Бу зираворлар — қуритилган пиёз, саримсоқпиёз, зира, кардамон, хушбўй ва қизил қалампир.Унда нима учун колбасанинг зарари ҳақида кўп гапиришади?
Ҳамма гап шундаки, маҳсулот учун хом ашё танлашга барча ишлаб чиқарувчилар ҳам бирдек масъулият билан ёндашавермайди. Сиз дўконларда сотилаётган колбасаларнинг ёрлиқларини ҳеч ўқиганмисиз? Афсуски, уларнинг кўпчилигининг таркиби минтақавий стандартда кўрсатилганидан анча йироқ.Арзонроқ маҳсулот яратиш учун кўплаб компаниялар маҳсулотга ҳидни, рангни, таъмни кучайтирувчи моддалар қўшади. Тадқиқотлар кўрсатишича, доимий равишда паст сифатли колбасани истеъмол қилиш кўплаб касалликлар юзага келишига олиб келади.
Наҳотки севимли маҳсулотдан воз кечишга тўғри келади?
Юқорида айтиб ўтганимиздек, колбасани ейиш мумкин ва зарур, фақатгина синалган маҳсулотни танлаш муҳим. «Дарё» мухбирлари Ўзбекистондаги колбаса ишлаб чиқарувчи энг оммабоп компаниялар цехларига ташриф буюришга қарор қилди, биз «Тўхтаниёз ота» брендидан бошладик.Бу марка 20 йил аввал пайдо бўлган ва бу йиллар давомида кўплаб қийинчиликларни бошдан кечирган, шу билан бир вақтда колбаса ва сосискаларнинг ажойиб таъмини сақлаб қолган. Уларнинг ишлаб чиқариш корхоналари Келесда жойлашган, халқ севган озиқ-овқатни қандай ишлаб чиқаришларини кўриш учун айнан ўша ерга йўл олдик.
Цехда
Дарҳол диққатни тортадиган биринчи нарса — бу цехнинг мутлақо топ-тозалиги ёки айтиш жоиз бўлса, стериллиги. Оқ деворлар ва пол мунтазам равишда ювиб турилади, ускуналар стерилланади. Ишчилар, қоидага кўра, униформа ва бош кийим кийиб олган.
Нимадан тайёрлашади?
Ишлаб чиқаришнинг муҳим жиҳати шундан иборатки, унда компаниянинг фақат ўз фермасидаги ёш буқалар гўштидан фойдаланилади. Шу сабабли «Тўхтаниёз ота» маҳсулотлари сифати учун 100 фоиз жавоб берилади. Бу ерда ўз технологиялари ва ишланмаларидан фойдаланишади, шу билан бирга, ишлаб чиқаришда фақат мол гўшти, қўй гўшти ва товуқ гўштини ишлатишади, чўчқа гўшти ўрнига думбадан фойдаланишади, бу эса колбаса мазасини яхшилайди, холос.Гўштдан ташқари, колбасага муз зарралари (совитиш учун), соя оқсили ва нитратнинг хавфсиз миқдорини қўшишади. Бу нима учун керак? Қайнатилган гўшт аслида кулранг бўлади. Маҳсулотга ўша ёқимли тусни бериш учун рухсат этилган қўшимчалар ишга солинади.
Ускуналар-чи?
Цехдаги ускуналар — алоҳида ҳикоя. Бу ерда барчаси шундай қурилганки, ишчилар ҳатто гўштга қўл теккизишига ҳам тўғри келмайди (ажратиб олиш босқичидан ташқари). Қимматбаҳо машиналар гўштни қиймалайди, дудлайди, тайёр маҳсулотни қадоқлайди. Буни кузатиш жуда ёқимли!
Қаердан харид қилиш мумкин?
Айни пайтда «Тўхтаниёз ота» ва «Мяснов» (компаниянинг иккинчи бренди) маркалари нақ 150 турдаги колбаса маҳсулотларини чиқармоқда. Улар орасида дудланган, қайнатилган колбасалар ҳам, сосискалар ҳам, сарделкалар ҳам, бошқа кўплаб колбаса турлари ҳам бор. Уларни деярли ҳар қайси савдо нуқтасида ёки фирма дўконларида харид қилиш мумкин:- Юнусобод (Megaplanet савдо маркази яқинида)
- Ўрикзор (иккинчи павильондаги 78-дўкон)
- Қатортол (биринчи павильондаги 82-дўкон)
Тўғрисини айтганда, ишлаб чиқариш кўлами ва кенг ассортимент бизда катта таассурот қолдирди. Шу сабабли «тадқиқотларимиз»ни давом эттиришга қарор қилдик — мазали колбаса ва сосискаларни татиб кўриш бизга шунчалик ёқиб қолди!
Реклама ҳуқуқи асосида
Изоҳ (0)