Ўзбекистон Республикаси Президентининг қарори (pdf) билан Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси фаолиятини ташкил этиш чора-тадбирлари қабул қилинди, деб ёзади Norma.
Аввало, Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси тузилмасида ҳудудий филиаллар билан биргаликда Тадбиркорлик фаолияти асосларини ўқитиш республика маркази ташкил этилади. Олий ва ўрта махсус таълим вазирлиги, Ўрта махсус ва касб-ҳунар таълими маркази, Меҳнат вазирлиги, Адлия вазирлиги, Давлат божхона қўмитаси, Давлат солиқ қўмитаси, Марказий банк ва тижорат банклари, Савдо-саноат палатаси Тадбиркорлик фаолияти асосларини ўқитиш республика марказининг ўқув курсларини ўтказишда фаол иштирок этади.
Бундан ташқари, қўмитанинг ташкилий тузилмаси, марказий аппарати тузилмаси (бошқарув ходимлари умумий чекланган сони — 125 нафар) ва ҳудудий бўлинмалари тузилмаси тасдиқланди.
Қарор орқали «2017—2018 йилларда хусусийлаштирилган корхоналарга кўмаклашишнинг ‘йўл хариталари’ни ишлаб чиқиш ва амалга ошириш чора-тадбирлари дастури» маъқулланди.
Изоҳ (0)