Вазирлар Маҳкамасининг «Ўзбекистон Республикаси ҳукуматининг айрим қарорларига якка тартибдаги тадбиркорлар томонидан ўзлари ишлаб чиқарган маҳсулотлар экспортини кенгайтиришга йўналтирилган ўзгартириш ва қўшимчалар киритиш тўғрисида»ги қарори (pdf) эълон қилинди, деб ёзади Norma.
Ҳужжатга кўра, якка тартибдаги тадбиркорлар валюта тушумини мажбурий сотишдан озод этилди.
Имтиёз қишлоқ хўжалик маҳсулотлари ва ёввойи ўсимликлар, мис ва ундан ясалган буюмлар, шунингдек, табиий газни экспорт қилувчи якка тадбиркорларга нисбатан амал қилмайди.
Бундан ташқари, маданий бойликларнинг олиб чиқилиши ва олиб кирилиши тўғрисидаги низомга ҳам ўзгартириш киритилди ва олиб чиқилиши учун сертификат талаб қилинмайдиган, сўнгги 50 йил ичида яратилган бундай халқ санъати асарлари рўйхати тузилди.
Ҳунармандчилик фаолияти билан шуғулланувчи якка тартибдаги тадбиркорлар учун ўзлари яратган амалий безак санъати буюмлари бадиий экспертизадан ўтказилганлиги ва уларга ҳужжатлар расмийлаштирилганлиги учун махсус йиғим энг кам ойлик иш ҳақининг 10 фоизи этиб белгиланди.
Изоҳ (0)