Сеул АҚШнинг THAAD ракетага қарши мудофаа тизими қисмларини етказиб келиш бошланганини тасдиқлади ва улар 2017 йил охиригача тўлиқ жойлаштирилиб бўлинишини билдирди. Бу ҳақда Жанубий Корея мудофаа вазирлиги маълум қилди, дея хабар беради Yonhap.
Ҳарбийларга кўра, тизимнинг айрим қисмлари мамлакат жанубига етказилди. Жумладан, Кенсан-Пукто провинциясидаги Сонджу уездига 6 та юк машинасида радар ва бошқа жиҳозлар келтирилди.
Сонджунинг юзлаб аҳолиси бунга қарши чиқди ва полиция билан тўқнашувларга киришди. Улар қишлоқ хўжалигига ихтисослашган минтақа THAAD жойлаштирилганидан сўнг Шимолий Корея баллистик ракеталарига нишонга айланишидан ташвишланмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)