18 дан 29 ёшгача бўлган америкаликлар томонидан Дональд Трампнинг АҚШ президенти лавозимидаги фаолиятини қўллаб-қувватланиш даражаси атиги 32 фоизни ташкил этмоқда. Гарвард университети қошидаги сиёсатшунослик институти томонидан эълон қилинган жамоатчилик фикри сўрови натижалари шундан далолат бермоқда, дея маълум қилди «ТАСС».
Социологик тадқиқот натижаларига кўра, 40 фоизга яқин респондент Трамп президентлигининг илк 100 кунидан қониқиш билдирмади.
ИШИДга қарши кураш бўйича ҳаракатларини бор-йўғи 33 фоиз иштирокчи маъқуллади. Бу кўрсаткич соғлиқни сақлашда 30, экологияда 28, ирқлараро муаммоларга ёндашувда эса 27 фоизни ташкил этди.
Трамп тузган иқтисодий дастур сўров қатнашчиларининг 37 фоизига маъқул келди, холос. Унинг Twitter’даги доимий чиқишлари салкам 79 фоиз респондентга ёқмади.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)