Уэльсдаги касалхоналардан бирида «жиддий руҳий ҳолатда» бўлган ва жисмоний хусусиятга эга муаммолардан азоб чекувчи бемор 3,5 йил (1338 кун) даволанди. 2017 йил январь ҳолатига кўра, исми ошкор этилмаётган бемор палатада яна олти ой қолиши керак бўлган, деб ёзади TJournal.
Ўша вақтда Уэльс шаҳарларида уч ойдан ортиқ муддатли «касалхонадан чиқарилиши кечиктирилиши» билан боғлиқ яна бир нечта ҳолатлар кузатилди. Independent нашри маълумотларига кўра, ушбу етти бемордан икки нафари касалхоналарда энг кўп муддат қолган — улар тегишли равишда 589 ва 583 кун вақт ўтказган.
20 апрель куни Уэльс ҳукумати вакили беморларнинг «касалхонадан чиқарилиши кечиктирилиши» билан боғлиқ ҳолатлар сўнгги 12 йил ичидаги энг паст кўрсаткичга тушганини маълум қилди. Аммо Соғлиқни сақлаш миллий тизими маълумотларига кўра, сўнгги етти йил ичида касалхонада ўтказилган кунлар икки марта кўпайган ва ойига 200 минг кунга етган.
Касалхонада ўтказилган бир кун Соғлиқни сақлаш миллий тизими томонидан 400 фунт (тахминан 508 доллар)га баҳоланди. Шу тариқа, Independent рўйхатида кўрсатилган етти кишини касалхонада сақлашга Британия бюджетидан бир ярим миллион фунтга яқин маблағ сарфланган.
Изоҳ (0)