Германия ҳукумати жорий йилнинг январь—февраль ойида бошпана сўраб мурожаат қилган афғон муҳожирларининг 47,9 фоизининг илтимосини маъқуллади. Бу ҳақда Passauer Neue Press нашри хабар бермоқда.
Таққослаш учун, 2015 йилда бошпана сўраган афғон муҳожирларининг 77,6 фоизи, 2016 йилда эса 60,5 фоизи ижобий жавоб олган эди.
ОАВ ахборотига кўра, сўнгги икки йил давомида Германия ҳудудига «Толибон» террорчилик ҳаракатининг минглаб вакиллари кириб келган бўлиши мумкин.
2016 йил октябрида Берлин ва Кобул қочоқларни ватанига қайтариш бўйича келишувга эришган. Айни вақтга қадар Германиядан Афғонистонга 60 киши жўнатиб юборилган, яқин йиллар ичида немис ҳукумати яна 12,5 минг кишини Афғонистонга қайтариб юборишни режалаштирмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)