АҚШ кучлари Суриядаги махсус операция давомида ИШИД етакчиси Абу Бакр ал-Бағдодийнинг яқин сафдошларидан бири бўлган террорчи — Абдураҳмон Ўзбекийни йўқ қилди. Бу ҳақда «РБК» хабар бермоқда.
«Суриянинг Майядин шаҳри яқинида ўтказилган АҚШ ҳарбий операцияси натижасида ИШИД террорчиси ва ал-Бағдодийнинг ҳамтовоғи ўлдирилгани тасдиқланди», — деди ИШИДга қарши кураш бўйича глобал коалиция махсус вакили Бретт Макгерк.
Confirmed: death of senior #ISIS terrorist & #Baghdadi associate via US military operation near Mayadin, #Syria. We will reach u anywhere. pic.twitter.com/Y1MYBwx67o
— Brett McGurk (@brett_mcgurk) April 21, 2017
Аввалроқ бу террорчининг ўлдирилгани ҳақида CNN телеканали маълум қилган эди. АҚШ Марказий қўмондонлиги маълумотларига кўра, Абдураҳмон Ўзбекий икки ҳафта аввал — 6 апрель куни йўқ қилинган. CNN’нинг хабар беришича, йўқ қилинган террорчи 1 январь куни Истанбулда уюштирилган терактга алоқадор, деб гумон қилинган.
Истанбулнинг Reina тунги клубидаги теракт 1 январга ўтар кечаси юз берган эди. Жиноятчи клуб ташрифчиларига қарата ўт очган, оқибатда 39 киши ҳалок бўлган. Ҳодиса учун жавобгарликни ИШИД ўз зиммасига олган.
Кейинроқ Истанбул полицияси тунги клубга ҳужум қилган террорчининг шахсини аниқлаб, уни қўлга олган эди — у асли ўзбекистонлик, ИШИД сафида Абу Муҳаммад Хуросон тахаллуси билан жанг қилган Абдулқодир Машарипов бўлиб чиқди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)