АҚШ Фаластин мсаласини ҳал этиш эмас, йўққа чиқаришга уринмоқда. Бу ҳақда Эроннинг БМТдаги доимий вакили Ғуломали Хушрўй маълум қилди, дея хабар беради «ТАСС».
Мунозаралар чоғида АҚШнинг БМТдаги доимий вакили Никки Хейли Хавфсизлик кенгаши аъзоларига Фаластин—Исроил мавзуси муҳокамасидан четга чиқиб, «Яқин Шарқдаги беқарорликнинг бош айбдорлари» — Эрон ва Ливаннинг «Ҳизбуллоҳ» гуруҳи фаолиятига диққатни жамлашни таклиф этди.
АҚШ ташаббусига изоҳ берар экан, Хушрўй Фаластин масаласи ва Исроил босқини доим Яқин Шарқ бўйича халқаро баҳслар марказида бўлиб келганини эслатди.
«Босқинчилардан бошқа ҳаммани айблаб, АҚШ муаммони ҳал этиш эмас, балки йўққа чиқаришга уринмоқда. АҚШ ва Исроил Яқин Шарқдаги барча можароларнинг асоси бўлган Фаластин масаласини муҳокама этишдан четлашишга уринмоқда», — дея таъкидлади Эроннинг БМТдаги доимий вакили. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)