АҚШ Афғонистон шарқий қисмида ўта кучли фугас авиация бомбаси қўлланилиши натижасида йўқ қилинган ИШИД жангарилари сонини ҳисобламайди. Бу ҳақда АҚШ мудофаа вазири Жеймс Мэттис Исроилга расмий ташрифи чоғида журналистларга маълум қилди, деб ёзади «ТАСС».
«Биз бомбардимон натижасида йўқ қилинган душманлар сонини ҳисоб-китоб қилиш билан шуғулланмаймиз, — деди у. — Биз бу ишларга аралашмасликдан иборат ёндашувга содиқ қоламиз. Очиқчасига айтганда, жасадларни қидириб, туннелларни ковлаш — бизнинг қўшинларимиз вақт ўтказиши учун энг яхши усул эмас».
Мэттис, шунингдек, журналистларнинг у GBU-43 фугас авиация бомбасини қўллаш режалари ҳақида олдиндан билган-билмагани ҳақидаги саволларига жавоб беришдан бош тортди.
13 апрель куни CNN телеканали АҚШ Афғонистонга МS-130 самолётидан «барча бомбаларнинг онаси» ташланганлигини маълум қилган эди. Бунда ИШИД жангариларининг туннели нишонга олинган.
Кейинроқ ушбу бомба қўлланилиши натижасида ИШИД террорчилик гуруҳининг 36 нафар жангарисини йўқ қилингани хабар берилганди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)