Испаниянинг Patentes Talgo компанияси томонидан «Ўзбекистон темир йўллари» учун тайёрланган Talgo 250 поезди негизидаги янги «Афросиёб» поездининг навбатдагиси денгиз йўли орқали Бильбаодан Россиянинг Санкт-Петербург шаҳрига етиб келди.
«Афросиёб» поездларини тўртинчи марта Ўзбекистонга етказиб бераётган UCL Holding компанияси матбуот хизматидан маълум қилишларича, поезд 14 апрель куни Петербург портига туширилган. Уни кейинроқ «Россия темир йўллари» компанияси тепловози Ўзбекистонга олиб кетиши айтилмоқда.
Янги «Афросиёб»ларнинг дастлабкиси 2017 йилнинг март ойида Ўзбекистонга етиб келган эди. Бунгача 2011 йили дастлабки иккита Talgo поездлари Ўзбекистонга олиб келинган эди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)