АҚШ президенти Дональд Трамп Лондонга бўлажак ташрифи чоғида қиролича Елизавета II нинг олтин извошида шаҳар бўйлаб айланиш истагини билдирди. Бу ҳақда «Корреспондент.net» хабар бермоқда.
The Times нашри манбаларига кўра, Оқ уй Лондондаги «извошли сайр»ни октябрь ойининг иккинчи ҳафтасига мўлжалланган ташрифнинг муҳим қисми ҳисоблашига шама қилган.
Бироқ махсус хизматлар бу истак «улкан хавфсизлик чоралари»ни талаб қилиши ҳақида огоҳлантирди.
Лондон полицияси охирги йиллар мобайнидаги энг йирик жамоат тартибини сақлаш операциясига тайёргарликни бошлади. АҚШ президентининг Лондонга ташрифи шаҳар марказида ўн минглаб намойишчиларни тўплаши мумкинлиги кутилмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)