НАТОнинг Summer Shield ҳарбий ўқув машғулотлари Латвияда 17 апрель куни бошланади, уларда 1,2 мингдан ортиқ ҳарбий хизматчилар, шу жумладан, Эстониядан 200 ҳарбий иштирок этади. Бу ҳақда Эстония мудофаа кучлари бош штабига таяниб, «Корреспондент.net» хабар бермоқда.
Summer Shield халқаро ҳарбий машғулотлари 17—30 апрель кунлари Латвиянинг Адажи полигонида ва унга туташ ҳудудларда Латвия, Литва, Эстония, АҚШ, Канада, Буюк Британия, Люксембург, Болгария, Руминия, Словакия, Германия ва Швециянинг 1,2 мингдан ортиқ ҳарбий хизматчилари иштирокида бўлиб ўтади.
Машғулотларда артиллерия кўмаги, ҳаво мудофааси ва разведка, оммавий қирғин қуролига қарши туриш, танк ҳужумига қарши мудофаа ва ҳарбий муҳандислар операциялари машқ қилинади.
Изоҳ (0)