Тошкентнинг «Бунёдкор» клуби раҳбариятида ўзгаришлар бўлиши айтилганди. «Championat.asia» нашрининг маълум қилишича, клуб бош директори Бахтиёр Бобоевнинг фаолияти тўхтаган.
Бу ҳақда «Бунёдкор» матбуот хизмати расман маълум қилганича йўқ. Хабарда Бобоевнинг «қалдирғочлар» сафида 10 йил ишлагани кўрсатилган.
Маълумот учун, «Бунёдкор» 2017 йилги мавсумни ғалаба билан бошлаб, кейинги тўрт ўйинда очко йўқотганди. Шунингдек, Осиё Чемпионлар лигасининг гуруҳ босқичида кетма-кет тўрт ўйин бой берилди. Мазкур мусобақада «қалдирғочлар» уч йилдан буён гуруҳ босқичидан ўта олмайди.
Изоҳ (0)