Дортмундда 11 апрель оқшомида Европа Чемпионлар Лигаси чорак финали доирасида «Монако»га қарши майдонга тушиши лозим бўлган «Боруссия» футбол клуби автобуси олдида портлаш юз берди, дея хабар бермоқда Meduza.
Портлаш автобус жамоа билан бирга йўлга чиқиши арафасида меҳмонхона автотураргоҳида юз берган. Associated Press хабарига кўра, камида учта портлаш юз берган.
Ҳодиса оқибатида бир киши – испаниялик футболчи Марк Бартра жабрланган. Bild’нинг ёзишича, уни касалхонага олиб кетишган.
Портлашлар сабабли ўйин 12 апрелга қолдирилган. Портлашлар сабаблари ҳақида аниқ маълумотлар йўқ.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)