Россияда фаолият олиб борувчи асли ўзбекистонлик бўлган миллиардер Алишер Усмонов Тошкентнинг «Пахтакор» жамоаси акционерига айланиши мумкин, деб хабар бермоқда «Championat.asia».
«Бугун Тошкентда миш-миш авжида. Эмишки, Россияда фаолият олиб борадиган асли ўзбекистонлик миллиардер Алишер Усмонов «Пахтакор» клубининг акционерига айланган. «Арсенал» клубининг эгаларидан бири бўлган Алишер Усмонов куни кеча илк маротаба Ўзбекистон давлат каналига ҳам интервью берган эди. Икки давлат ўртасида келишилаётган лойиҳаларнинг истиқболи тўғрисида гапириб ўтган миллиардернинг, «Пахтакор»ни ростан ҳам бошқарадими ёки йўқ, бу саволга клубдан ҳозирча ҳеч қандай расмий маълумот йўқ.», — деб таъкидланади нашр тарқатган хабарда.
Аввалроқ, Алишер Усмоновнинг Наманганнинг «Навбаҳор» клубини ривожлантириши мумкинлиги ҳақида чиққан гап сўзлар ҳам миш-мишдан нарига ўтмаган эди.
Эслатиб ўтамиз, Алишер Усмонов айни вақтда Лондоннинг «Арсенал» жамоаси акционерларидан бири, шунингдек, у Англиянинг яна бир жамоаси «Эвертон»нинг асосий ҳомийларидан ҳисобланади. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)