Бирлашган Қиролликнинг БМТдаги доимий вакили Мэтью Райкрофт британиялик олимлар Суриянинг Идлиб провинциясида кимёвий ҳужум содир этилган жойдан тўпланган намуналарда зарин газини топганини маълум қилди, деб ёзади «Газета.ru».
«Шу сабабли Бирлашган Қироллик АҚШнинг катта эҳтимол билан айнан Сурия президенти Башар Асад режими 4 апрель куни Хан-Шейхундаги заринли ҳужум учун жавобгарлиги тўғрисидаги тахминига қўшилади», — деди Райкрофт.
Нашр эслатишича, аввалроқ Туркия соғлиқни сақлаш вазири Ражаб Акдаг Идлиб провинциясида юз бергани тахмин этилаётган кимёвий ҳужум қурбонларининг таҳлили зарин қўлланилганини тасдиқлаганини айтган эди.
Изоҳ (0)