Кобулнинг Президент саройи ва Мудофаа вазирлиги биноси жойлашган даҳасидаги портлаш оқибатида беш киши ҳалок бўлди, 10 киши тан жароҳати олди. Бу ҳақда «РИА Новости» хабар бермоқда.
Афғонистон Ички ишлар вазирлиги ахборотига кўра, Пули Маҳмуд Хон даҳасидаги назорат-ўтказиш пункти яқинида террорчи-худкуш ўзини портлатиб юборган.
Reuters агентлигининг мамлакат Мудофаа вазирлигига асосланиб хабар беришича, қурбонлар орасида камида бир нафар тинч аҳоли вакили ва икки полициячи бор.
Аввалроқ мазкур портлаш учун жавобгарликни ИШИД террорчилик ташкилоти ўз зиммасига олгани ҳақида хабар берилган эди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)