ИШИД террорчилик ташкилоти 12 апрель, чоршанба куни Афғонистон пойтахти Кобулда юз берган теракт учун жавобгарликни ўз зиммасига олди. Бу ҳақда «РИА Новости» хабар бермоқда.
ИШИДнинг маълум қилишича, ҳодиса террорчи-худкуш ёрдамида президент саройи олдидаги назорат-ўтказиш пункти яқинида амалга оширилган.
Аввалроқ ОАВ Мудофаа вазирлиги ва Президент саройи жойлашган Кобулнинг Пули Маҳмуд Хон даҳасида портлаш юз бергани ҳақида хабар қилган эди.
Tolo News телеканалининг Афғонистон Мудофаа вазирлиги вакилига асосланиб хабар беришича, ҳодиса оқибатида жабрланганлар бор, бироқ уларнинг аниқ сони ҳақида батафсил ахборот бермаган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)