Associated Press агентлиги сўнгги 12 йил давомида бутун дунё бўйича БМТ тинчликпарвар шахслари ва персонали томонидан амалга оширилган мажбурий жинсий алоқалар билан боғлиқ қарийб 2000 ҳолат қайд этилганини маълум қилди. Бу ҳақда «РБК» хабар бермоқда.
AP агентлиги тадқиқоти натижалари БМТ миссиялари тинчликпарварлари ва ходимлари 12 йил давомида тизимли равишда вояга етмаганлар ва аёлларни улар билан жинсий алоқа ўрнатишга мажбур қилганини кўрсатди.
Агентлик ушбу вақт давомида жинсий куч ишлатиш қурбони бўлган 300 аёлни сўроқ қилган ва 23 мамлакат тинчликпарварлари томонидан амалга оширилган номусга тегиш ҳолати билан боғлиқ 2000 дан зиёд ариза тўплаган.
Хусусан, Шри-Ланкадан бўлган 134 тинчликпарвар шахс Гаитида 2004—2007 йилларда ушбу мақсадда тўққиз нафар боладан фойдаланган.
БМТ ҳисоботида қайд этилган тинчликпарварлардан 114 нафари уйига юборилган, бироқ ҳеч бири амалга оширган жинояти учун жазоланмаган.
AP агентлиги воқеага аниқлик киритиб, айбдорларни аниқлаш ва жазолаш мақсадида мажбурий жинсий алоқалар қурбонлари ва БМТнинг ҳозирги ва собиқ мансабдор шахслари билан суҳбат уюштирган. Ушбу суриштирувлар натижасида номусга тегиш жиноятини амалга оширган тинчликпарварлар БМТ томонидан жазолана олмаслиги, жазо фақатгина ушбу шахслар истиқомат қилувчи мамлакатлар ҳукумати томонидан берилиши мумкинлиги ҳақида хулоса келиб чиқди.
Агентлик мазкур жиноят ижрочилари жуда кам ҳолатлардагина айбдор деб топилгани, ҳатто шунда ҳам уларнинг исм-шарифи маълум қилинмаганлигини қайд этди. Шу тариқа, аёлларни жинсий алоқа ўрнатишга мажбур қилганлар жавобгарликдан қочаётгани таъкидланди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)