Қутқарувчилар гуруҳи Камчаткада қор кўчкиси содир бўлган ҳудудга етиб келди. Икки киши қор остида қолиб кетганлиги тахмин қилинмоқда. Бу ҳақда ФВВ Камчатка бўлими раҳбари Юлия Ананьева маълум қилди, деб ёзади «Газета.ru».
«9 апрель, якшанба кечқурун ҳодиса жойига йўлга чиққан қутқарувчиларнинг биринчи гуруҳи кўчки ҳудудига етиб борди. У ерда ҳозир 18 киши ишламоқда. Улар қояларни шчуплар ёрдамида текширади. Қутқарувчиларга кўнгиллилар ёрдам бермоқда», — деди Ананьева.
У, шунингдек, қутқарувчилар автоколоннаси ҳамда ФВВнинг бортида қутқарувчилар ва кинологлар бўлган Ми-8 вертолёти вулқон ҳудудига томон ҳаракатланаётганлигини қўшимча қилди.
Ҳозирги пайтда йўқолган одамларнинг шахси маълум қилинмаганлиги таъкидланмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)