Трамп АҚШ миллий хавфсизлик кенгашидаги маслаҳатлашувлардан сўнг Сурияга зарба бериш ҳақида қарор қабул қилди

АҚШ президентининг миллий хавфсизлик бўйича маслаҳатчиси генерал Герберт Макмастер Дональд Трамп томонидан Суриядаги авиабазага ҳужум уюштириш бўйича қарор қабул қилиниши жараёнига ойдинлик киритди. Бу ҳақда «Интерфакс» хабар бермоқда. 

«Президент кимёвий ҳужум ҳақида маълумотлар пайдо бўлиши билан ўша заҳоти бу ҳақда хабардор қилинди. У мазкур ҳужум ва уни ким амалга оширгани тафсилотларини ипидан игнасигача билишни истади. Биз ҳаракатларимизнинг турли кўринишини муҳокама этиш учун Миллий хавфсизлик кенгаши йиғилишини ўтказдик. Президент билан 3 та вариантни кўриб чиқдик ва у икки вариантга тўхталиб, уларни ишлаб чиқишни сўради», — дея таъкидлади Герберт Макмастер. 

Генералга кўра, «узоқ давом этган йиғилиш ва чуқур баҳслардан сўнг президент ҳаракатни бошлашга қарор қилди». «Дарё»нинг Telegram’даги расмий канали — @toshqindaryo’га аъзо бўлинг!