Россия ва Ўзбекистон президентлари Владимир Путин ва Шавкат Мирзиёев Ўзбекистон озиқ-овқат маҳсулотларининг Россияга экспортини кучайтиришга келишиб олди, деб ёзади «Коммерсантъ». Бу ҳақда Владимир Путин Шавкат Мирзиёев билан музокаралар якунларига кўра маълум қилди.
Россия президенти таъкидлашича, сўнгги йилда Россияга олиб кириладиган Ўзбекистон қишлоқ хўжалик маҳсулотлари ҳажми икки маротабадан кўпроқ ошди 142,8 минг тоннага етди.
«Кўп жиҳатдан бу Ўзбекистон президенти томонидан икки мамлакат чегаралари орқали қишлоқ хўжалик маҳсулотларини тезкор ва тўсиқсиз етказиб бериш учун ‘яшил божхона йўлаги’ни яратиш ҳақида берилган ташаббусни амалга ошириш бўйича биргаликдаги саъй-ҳаракатлар натижаси бўлди», — деди Путин.
Шунингдек, президент маълум қилишича, ўтган йили ўзаро товар айирбошлаш ҳажми 2,7 миллиард долларни ташкил этган, бу Ўзбекистон ташқи савдо балансининг 17 фоиздан ортиғи демакдир. Шу билан бирга, Россия Ўзбекистон иқтисодиётига киритган маблағлар 6 миллиард доллардан ошган.
Изоҳ (0)