Италиянинг Милан полицияси аввал мафияга тегишли бўлган 570 от кучига эга Ferrari 458 Spider суперкарини мусодара қилди ва ўзи фойдаланиши учун олиб қолди, деб хабар қилди «Мотор».
Машина сентябрда мусодара қилинган, шундан сўнг машинани полиция учун икки эшикли автомобиль тайёрлаш билан шуғулланувчи Carrozzeria Marazzi di Caronno Pertusella компаниясига қайта ишлаш учун тақдим этилган.
Полиция суперкар учун атиги 53,76 евро сарфлади. Ушбу маблағ автомобилни рўйхатдан ўтгазиш учун берилган.
Мазкур Ferrari Милан полиция хизматининг ихтиёрига ўтган биринчи машина эмас. Аввалроқ, хизмат гаражига юқоридаги усулда италян автомобиль ишлаб чиқарувчиларининг 29 автомобили келиб тушганди.
Одатда суперкарлар турли мамлакат полициясининг автопаркларида туради. Масалан, Дубайда маҳаллий ҳуқуқ-тартибот ходимлари Bugatti Veyron, Aston Martin One-77, Ferrari FF, Lamborghini Aventador, Audi R8 ва Nissan GT-R каби автомобилларда юради.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)