Дунёдаги 8 та энг ноодатий автобус (фотогалерея)

2Drive нашри бутун дунё бўйлаб энг ноодатий автобуслар рўйхатини келтириб ўтди.

GM Futurliner

АҚШнинг General Motors компанияси ўтган юз йилликнинг 30—50-йилларда 12 та GM Futurliner автобусларини чиқарган. Бугунги кунгача уларнинг 9 таси сақланиб қолган. Икки йил аввал улардан бири кимошди савдосига қўйилди ва 4 миллион долларга сотилди.

Viberti Monotral Golden Dolphin

Golden Dolphin ягона нусхада ишлаб чиқарилган ва 1956 йилда Женевадаги автосалонда биринчи марта тақдим этилган. У 400 от кучига тенг двигатель билан жиҳозланган, энг юқори тезлиги соатига 200 километрга етган.

ЗиС-127

Собиқ иттифоқда лойиҳаланган ва чиқарилган биринчи автобус. Шаҳарлараро рейслар учун мўлжалланган автобус 1955—1961 йилларда чиқарилган.

Mercedes-Benz Lo 3100 Stromlinuem-Omnibus

Ушбу автобусни 1934 йилда дизелли юк машинаси шассисида ишлаб чиқишган. Аммо у серияли ишлаб чиқарилмади.

AEC Routemaster

Лондон рамзи бўлган Routemaster 1954 йилда чиқарилган ва 2005 йил 9 декабргача фойдаланишда бўлган. Бугунги кунгача бундай автобусларнинг бир неча юзтаси сақланиб қолган.

Citroen U55 Cityrama Currus

50-йилларда Париждаги сайёҳлик агентлиги буюртмасига кўра ясалган икки қаватли автобус. Бундай автобуслар бор-йўғи уч нусхада чиқарилган.

Bedford VAL14 Plaxton Panorama C52F

Автобус 1965—68 йилларда чиқарилган. Унинг иккита ўзига хос жиҳати бўлган, булар — кондиционер ва ностандарт ҳолатда жойлашган учинчи ғилдирак ўқи.

ЛАЗ Украина-1

Дунёга машур «Бензоколонка маликаси» фильмида айнан шу автобус томошабинларни ўзига мафтун этган. Уни ишлаб чиқариш билан Львов автомобиль заводи шуғулланган.