Япония БМТнинг бош қароргоҳида бошланган ядро қуролини тақиқлаш ва тўлиқ йўқ қилиш ҳақидаги конвенция бўйича музокараларда қатнашмайди. Бу ҳақда Нью-Йоркда Япониянинг қуролсизланиш бўйича махсус элчиси Нобусигэ Такамидзава айтиб ўтди, деб ёзади «ТАСС».
«Ҳозирги вазиятни ҳисобга олганда, Япония учун муҳокамада конструктив иштирок этиш қийин бўлган бўларди. Шу билан бирга, самарали чоралар қабул қилиниши, ва ушбу жараёнга бундай қуролга эга мамлакатлар ҳам, ядросиз давлатлар ҳам жалб қилиниши жуда муҳим», — деди у.
Аввалроқ АҚШнинг БМТдаги доимий вакили Никки Хейли айни дамда ядро қуролидан воз кечиб бўлмаслигини айтган эди.
Изоҳ (0)