Шимолий Корея хорижга ишчи кучи етказиб бериш ва қалбаки бренд маҳсулотлари сотиш орқали йилига 1—2 миллиард доллар топмоқда. Бу ҳақда Вашингтон сиёсий тадқиқотлар институти экспертлари хулосасига таяниб, Япониянинг «Иомиури» газетаси маълум қилди, дея хабар беради «ТАСС».
Нашр маълумотларига кўра, Пхеньян охирги пайтларда бундай иқтисодий фаолият марказини Жануби—Шарқий Осиёдан Форс кўрфази давлатларига кўчирмоқда. КХДР бу мамлакатларнинг Саудия Арабистонидан ташқари барчаси билан дипломатик алоқаларга эга.
Форс кўрфази давлатларида (асосан Кувайт ва Қатарда) 15 минггача бўлган Шимолий кореялик ишчи ва техниклар хизмат қилади. Шунингдек, бу ерда КХДР томонидан қонуний асосда очилган ресторанлар фаолият кўрсатмоқда ва улар мазкур мамлакат учун валюта даромадларининг муҳим манбасига айланган.
Кўрфаз давлатларида Шимолий Кореяда ишлаб чиқарилган қалбаки бренд маҳсулотлари, жумладан, соатлар, сумкалар ҳам сотилмоқда. Уларнинг сони Хитой ёки Туркияда тайёрланган шундай маҳсулотлардан кам бўлса-да, сифати юқори ҳисобланади. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)