Кения Қуролли Кучлари Сомалидаги «Аш-Шабоб» террорчилик ташкилотининг иккита базасида ўтказган рейди натижасида 31 жангарини йўқ қилди. Бу ҳақида «РИА Новости» хабар бермоқда.
Агентликнинг хабарига кўра, операция Сомали жанубидаги Жубаленд вилоятида ўтказилган.
«Қуруқликдаги қўшинлар вертолётлар ҳамда артиллерия кўмаги остида ҳаракат қилди», — дейилади Кения Қуролли Кучлари баёнотида.
Хабар беришларича, операция давомида кениялик ҳарбийлар жангариларнинг қурол-аслаҳаларини қўлга киритган.
Кения ҳарбийлари Сомали ҳудудуда Африка Иттифоқининг тинчликпарвар миссияси (AMISOM) доирасида ҳаракат қилмоқда.
«Аш-Шабоб» террорчилик ташкилоти Сомалидаги марказий ҳокимиятга қарши қуролли кураш олиб бормоқда ва БМТнинг гуманитар фаолиятига халал бермоқда. Гуруҳ 2008 йили АҚШ томонидан террорчилик ташкилотлари рўйхатига киритилган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)