«Ўзбеккино» Миллий агентлиги бош директори Отабек Мусаев Хитой элчиси Сун Лицзе билан учрашди. Бу ҳақда агентлик матбуот хизмати хабар бермоқда.
Унда кинематография соҳасида икки томонлама ҳамкорликни ривожлантириш, Ўзбекистонда ишлаб чиқарилган энг сара фильмларни Хитой ҳудудида, хитойлик киноижодкорлар томонидан яратилган фильмларни Ўзбекистонда намойишларини йўлга қўйиш масалалари муҳокама қилинди.
Шунингдек, Ўзбекистон кинематографларининг Хитойдаги йирик кинофестивалларда, жумладан, Шанхай халқаро кинофестивали ва Фуджо шаҳрида ўтказиладиган Ипак йўли халқаро кинофестивалида иштирок этиши масалалари ҳам кўриб чиқилди.
Шу билан бирга, апрель ойининг бошида Хитой кинокомпаниялари раҳбарларидан иборат делегациянинг Ўзбекистонга ташрифига доир ташкилий ишлар келишиб олинди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)