Судан расмийлари мамлакатдан 2011 йилда ажралиб чиққан ва ҳудудида 100 минг аҳоли очликдан азият чекаётган Жанубий Суданга озиқ-овқат етказиш учун гуманитар йўлак очишга қарор қилди. Бу ҳақда «ТАСС» хабар бермоқда.
БМТ бош котиби расмий вакили ўринбосари Фарҳан Ҳақнинг маълум қилишича, халқаро ташкилот шу ҳафтада очликдан жабр кўрган туманларга озиқ-овқат маҳсулотлари ортилган илк 7 конвойни жўнатади.
«Бутунжаҳон озиқ-овқат дастури шу ҳафтада 30-40 та юк автомобилида 11 минг тонна озиқ-овқат юклаган гуманитар ёрдамнинг биринчи туркумини жўнатади. Бу 300 минг кишини 3 ой мобайнида тўйдириш учун етади», — дея таъкидлади Фарҳан Ҳақ.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)