Россия Мудофаа вазирлиги вакили генерал-майор Игорь Конашенков Россия БМТ томонидан террористик деб топилган ташкилотларни, шунингдек, «Толибон»ни қурол билан таъминламаслигини маълум қилди. Бу ҳақда «ТАСС»га таяниб, «Газета.ru» хабар берди.
«Америка давлат идораларидан фарқли ўлароқ, Россия Мудофаа вазирлигининг БМТ томонидан террористик деб топилган ташкилотларга қурол етказиб бериш бўйича алоқаси бўлмаган, бўлмайди ҳам», — дейди Конашенков.
Аввалроқ НАТОнинг Европадаги қўмондони АҚШ армияси генерали Кёртис Скапаротти Россияни Афғонистондаги «Толибон» радикал ҳаракатига ёрдам беришда айблаган эди. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)