Австралия шимоли-шарқидаги «Дебби» циклони хуружини бошидан ўтказаётган 45 мингдан ортиқ уй электр энергиясиз қолди. Бу ҳақда Квинсленд штати бош вазири Анастасия Палашчук маълум қилди, дея хабар беради «ТАСС».
«Бизга жиддий зарар ва шикастланишлар ҳақида хабарлар келмоқда, бироқ уларнинг бари ҳозирча дастлабки маълумот. Айрим аҳоли пунктлари билан алоқа узилган, жойлардан ахборотнинг етишмаслиги энг катта муаммо бўлиб турибди», — дея таъкидлади штат ҳукумати раҳбари.
Квинсленд полицияси комиссари Иэн Стюарт циклон оқибатида бир киши — уйининг девори қулаган Просерпайн шаҳарчаси фуқароси жабрланганини билдирди.
«Мазкур табиий офат кўлами жуда кенг ва биз жабрланганлар, ҳатто қурбонлар ҳақидаги кўплаб хабарларга тайёр туришимиз керак. Мен Квинсленднинг шимоли-шарқий туманлари аҳолисини бугун-эрта уйларида қолиш ва қутқарувчилар ҳамда ҳарбийлар ёрдам кўрсатиш учун фойдаланадиган автойўлларга яқинлашмасликка чақираман», — дея огоҳлантирди Иэн Стюарт. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)