Лондондаги парламент биноси яқинида ҳужум уюштирган террорчи Холид Маъсуднинг турмуш ўртоғи ва онаси унинг қилмишларини қоралади. Бу ҳақда «ТАСС» хабар бермоқда.
«Холид амалга оширган ҳаракатлардан қайғу ва хижолатдаман. Унинг қилмишларини буткул қоралайман ва қурбонларнинг оиласига ҳамдардлик, жабрланганлар эса тезда соғайиб кетишларини тилайман», — дейди Маъсуднинг турмуш ўртоғи Рохи Хидара.
The Telegraph нашри террорчининг онаси Жанет Айяонинг қисқа баёнотини келтирди.
«Ўғлимнинг Вестминстерда бегуноҳ инсонлар қурбон бўлиши ва яраланишига олиб келган ҳаракатларидан мулзам бўлдим, ўзимни қўярга жой тополмаяпман. Жиноятга ўғлим алоқадорлигини билганимдан бери бу мудҳиш фожиада жабрланган кишилар учун жуда кўп кўз ёш тўкдим», — дейилади Жанет Айяо баёнотида.
Эслатиб ўтамиз, Холид Маъсуд амалга оширган теракт оқибатида 4 киши ҳалок бўлди, 50 га яқин киши жароҳатланди. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)