Париж шимолида номаълум шахслар автомобилларга ўт қўйди ва дўконлар ойнасини синдирди. Бу ҳақда «Корреспондент.net» хабар бермоқда.
Полиция билан тўқнашувларда 38 киши ҳибсга олинди, 3 нафар ҳуқуқ-тартибот ходими жароҳатланди.
Ғалаёнлар 27 март, душанба куни кечки пайт бошланди. Бунга полициячилар томонидан келиб чиқиши Хитойдан бўлган 56 ёшли эркакнинг ўлдирилиши сабаб бўлди.
Полиция гуруҳи оилавий можаро юзасидан чақириқ бўйича етиб келганида уларни уй эгаси қарши олди. Унинг қўлида балиқ бўлаклайдиган қайчи бор эди. Полициячилардан бирига эркак шеригига таҳдид этаётгандек кўринди ва унга қарата ўқ узди.
Округ аҳолиси ва хитой диаспораси вакиллари жандармерия раҳбарияти айбдорларни жазоламагунча норозилик акцияси давом этишини маълум қилди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)