АҚШнинг БМТдаги доимий вакили Никки Хейли айни дамда ядро қуролидан воз кечиб бўлмаслигини айтди, деб хабар беради «Газета.ru».
«Мен оилам ядро қуролисиз дунёда яшашини истаганчалик бошқа ҳеч нимани бунчалик хоҳламайман. Бироқ биз реалист бўлишимиз керак. Бу ерда Шимолий Корея ядро қуролидан воз кечишга рози бўлишига ишонадиган кимдир борми? » — деди Хейли БМТ Бош ассамблеясининг ядро қуролини тўлиқ тақиқлаш тўғрисидаги конвенция ишлаб чиқиш бўйича конференциясининг очилиш маросимида.
АҚШ, Буюк Британия ва Франция конференцияда иштирок этмасликка қарор қилди. Хейлининг сўзларига кўра, деярли 40 та мамлакат мазкур тадбирга қарши чиққан.
Никки Хейли АҚШ ҳозирча ядро қуролини изчиллик билан камайтириш ва уни яратиш технологияларини тарқатмаслик тўғрисидаги битимга риоя қилишини қайд этди.
Изоҳ (0)