Ўз вақтида цирк томошаларида қатнашган Элза лақабли шер Мексикадаги сафари-паркда унинг жиғига теккан сайёҳларга ҳужум қилишга уринди.
Бироқ, TJournal’нинг ёзишича, жонивор ўра кўринишидаги ғовни ортда қолдира олмай, пастга қулаган. Шундан сўнг даҳшатдан бақираётган сайёҳларнинг овози кулгуга алмашган.
Қулаган шерни ветеринар кўздан кечирган. Унинг таъкидлашича, ҳодиса оқибатида жониворга ҳеч нима қилмаган.
Юз берган воқеага муносабат билдирар экан, парк матбуот котиби ташрифчилар учун ҳеч қандай хавф йўқлигини таъкидлади, чунки ўраларнинг кенглиги шер сакраши мумкин бўлган масофадан катта.
Бироқ Америка ҳайвонот боғлари уюшмаси Мексикадаги боғ маъмуриятига ўра кенглигини оширишни тавсия қилди, чунки шер югуриб келиб сакраса, ғовни енгиб ўтиши эҳтимоли ошади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)